Muqdisho,(insidesomalia.org)- Cabdiraxmaan Xuseen Dhuunte oo ka tirsan Maamulka Dekedda Muqdisho ayaa saaka waaberigii waxay ku dhaawaceen kooxo hubeysan Isgoyska Afarta Jardiino ee Degmada Yaaqshiid, waxaana Mas置ulkaasi oo watay Gaari nooca Camery-ga loo yaqaan ay dhaawaceen kooxahaasi hubeysan isagoo ku sii jeeda goobtiisa shaqo.

Wararku waxay sheegayaan in sidoo kale falkaasi ay kooxaha hubeysan ku dhaawaceen Wiil uu dhalay oo isagu arday ahaa, hase yeeshee dhaawaca Mas置ulkaasi ayaa la sheegayaa inuu yahay mid fudud isla markaana lagu dabiibayo Isbitaalka Keysaney ee duleedka Magaalada Muqdisho.

Kooxaha hubeysan ee geystay falkaasi ayaa la sheegay inay iyagu baxsadeen, waxaana daqiiqado kaddib markii falkaasi dhacay halkaas tegay ciidamada Booliska, kuwaasi oo sameeyay howlgalo baaritaan, balse kooxaha geysta falalka dilalka qorsheysan ayaa iyagu intooda badan ka baxsada ciidamada Dowladda.

Ma aha markii ugu horeysay oo madaxda Dekedda Muqdisho ay weeraraan kooxo hubeysan, waxaana hore dhowr goor u dhacday in la soo weeraro guriga Maareeyaha Dekedda Muqdisho Eng. Cabdi Jiinow Calasow, hase yeeshee ilaalada aadka u tababaran ee Maareeyaha ayaa gaashaanka u daruuray inuu suurtagalo hamiga kooxaha geysta dilalka qorsheysan.